வெளியானது கமல்ஹாசனின் ‘தக் லைஃப்’ திரைப்பட டைட்டில் வீடியோ!

உலகநாயகன் கமலஹாசனின் பிறந்தநாளான இன்று அவரது ரசிகர்கள், திரை பிரபலங்கள் மற்றும் ஒட்டுமொத்த திரையுலகமும் அவருக்கு தங்களது பிறந்தநாள் வாழ்த்துக்களை தெரிவித்து வருகின்றனர். மேலும் இந்நாளை சிறப்பிக்கும் விதமாக கமல் மற்றும் மணிரத்னத்தின் கூட்டணியில் இணையவுள்ள KH234 படத்தின் தலைப்பு மற்றும் அறிமுக வீடியோ ஒன்றை வெளியிட்டுள்ளது படக்குழு.

கமல் மற்றும் மணிரத்னம் கூட்டணி:

1987ஆம் ஆண்டு மணிரத்னம் மற்றும் கமல்ஹாசனின் கூட்டணியில் வெளிவந்த திரைப்படம்தான் 'நாயகன்'. இத்திரைப்படத்தில் கமல் மற்றும் அவருக்கு ஜோடியாக சரண்யா பொன்வண்ணன், நாசர், டெல்லி கணேஷ், ஜனக ராஜ் போன்ற திரை பிரபலங்கள் இணைந்து நடித்துள்ள இந்த திரைப்படம் மிகச்சிறந்த சூப்பர் ஹிட் திரைப்படமாக அமைந்தது. மேலும் இந்த நாயகன் திரைப்படம் வெளியாகி 35 ஆண்டுகள் கடந்த நிலையில் இரண்டாவது முறையாக கமல் மற்றும் மணிரத்னம் இருவரும் மீண்டும் இணைந்துள்ளனர். இது மேலும் ரசிகர்களிடையே பெரும் எதிர்பார்ப்பை ஏற்படுத்தியுள்ளது.

KH234 தலைப்பு மற்றும் அறிமுக வீடியோ வெளியீடு:

KH234 என்ற திரைப்படத்தின் தலைப்பு, வீடியோ மற்றும் நடிகர் நடிகைகள் குறித்த தகவல்கள் தற்போது சமூக வலைதளங்களில் அதிகளவில் வைரலாகி வருகிறது. ‘தக் லைஃப்’ என்ற தலைப்பை கொண்டுள்ளது KH234. அதுமட்டுமின்றி படத்தின் போஸ்டர்கள் மற்றும் அறிமுக வீடியோவும்கூட தொடர்ந்து அடுத்தடுத்து வெளியாகி உள்ளது. மேலும் வெளியான அந்த வீடியோவில் கமல் நடித்துள்ள கதாப்பாத்திரத்தின் பெயர் ‘ரங்கராய சக்திவேல் நாயக்கர்’ என்பது தெரியவந்துள்ளது. ‘தக் லைஃப்’ திரைப்படத்தின் படப்பிடிப்பு அடுத்த ஆண்டு தொடங்கவுள்ள நிலையில் கமலின் திரைப்படங்கள் குறித்து அடுத்தடுத்து வரும் திடீர் அப்டேட்டுகள் அவரின் ரசிகர்கள் மத்தியில் உற்சாகத்தையும், திரைப்படம் குறித்த எதிர்பார்ப்பையும் அதிகப்படுத்தி வருகிறது.