தொழிலில் லாபம்

2023, செப்டம்பர் 26 முதல் அக்டோபர் 2-ஆம் தேதி வரையிலான ராசிபலன். கணித்து வழங்குபவர் ஜோதிடர் ஜோதிட வித்யாபதி எம். ஆர். கருணாகரன்

கணிதம், அறிவியல் துறைகளில் நல்ல உணர்வுகள் ஏற்படும். இதனால் சாதகமான பலன்கள் கிடைக்கும். வீடு, மனை, வாகனம் சார்ந்த விஷயங்களில் புதிய முதலீடு செய்யும்போதும், தரகு சம்பந்தப்பட்ட விஷயங்களில் முனைப்புடன் செயல்படும்போதும் வெற்றியடைய முடியும். 26ஆம் தேதி சில விஷயங்களில் கவனமுடன் செயல்பட வேண்டும். 27, 28 தேதிகளில் சற்று தடை, தாமதம் ஏற்படும். 29, 30 தேதிகளில் தொழிலில் லாபம் கிடைக்கும். 1, 2 தேதிகளில் வெளிநாடு சம்பந்தமான லாபம் கிடைக்கும். மேலும் உள்நாட்டில் புதிய முதலீடு செய்யும்போது வெற்றி கிடைக்கும். ஆரஞ்சு நிறத்தை பயன்படுத்தும்போது முயற்சிகள் அனைத்திலும் வெற்றிபெற முடியும்.