வேலையில் கவனம்

2025 ஜனவரி 07-ஆம் தேதி முதல் 2025 ஜனவரி 13-ஆம் தேதி வரையிலான ராசிபலன். கணித்து வழங்குபவர் ஜோதிட இமயம் அபிராமி சேகர்.

விருப்பம், எண்ணம், ஆசை, அபிலாஷைகள் அத்தனையுமே பூர்த்தியாவதற்கான வாய்ப்புகள் உள்ளன. கல்வி நன்றாக உள்ளது. உற்பத்தி சார்ந்த துறைகளில் இருப்பவர்களுக்கு புரொடக்சனுக்கு தகுந்த விற்பனை மற்றும் லாபம் இருக்கிறது. அப்பா மற்றும் அம்மாவுடைய அன்பு, ஆதரவு கிடைக்கும். வேலையை பொறுத்தவரை வேலை இருக்கிறது. அதேநேரம் பிரச்சினையும் இருக்கிறது. இரண்டுமே இருப்பதால் வேலையில் கவனம் செலுத்துங்கள். எந்த துறையில் பணியாற்றினாலும் உங்கள் வேலையில் கவனம் அவசியம். ஏனென்றால் உங்கள் வேலையில் வருத்தங்கள், டென்ஷன் ஆகியவை இருக்கின்றன. பார்க்கும் வேலையை விட்டுவிடுவோமா? போன்ற எண்ணங்களும் ஏற்படும். நட்பு வட்டாரம் நன்றாக உள்ளது. நண்பர்களால் நல்லதொரு ஏற்றம் இருக்கிறது. மூத்த சகோதரிகளாலும் நன்மைகள் உண்டு. இந்த வாரம் முழுவதும், துர்க்கை மற்றும் காளியை வழிபாடு செய்யுங்கள்.