வேலைவாய்ப்பு சுமார்

2024 நவம்பர் 05-ஆம் தேதி முதல் நவம்பர் 11-ஆம் தேதி வரையிலான ராசிபலன். கணித்து வழங்குபவர் ஜோதிட இமயம் அபிராமி சேகர்.

உங்கள் கல்வி நன்றாக உள்ளது. அப்பாவின் ஆதரவு கிடைக்கும். நீண்ட தூரம் பயணம் செய்வீர்கள். வேலையில் வேறு அலுவலகம் மாற நினைப்பவர்கள் முயற்சி செய்து பாருங்கள். பொருளாதார நிலைகளை பொறுத்தவரை கையில் பணம், தனம் இருக்கிறது. பெரிய அளவில் முயற்சிகள் எதுவும் வேண்டாம். நிரந்தர சொத்து வாங்க நினைப்பவர்கள் வாங்கலாம். அதற்காக பணம் இல்லை என்றெல்லாம் யோசிக்க வேண்டாம். கடன் அல்லது லோன் வாங்கியாவது இடம், வீடு, வண்டி, வாகனங்கள், வீட்டு உபயோகப்பொருட்கள் வாங்குவதற்கு வாய்ப்புள்ளது. அம்மாவுடைய உடல் ஆரோக்கியத்தில் கவனம் செலுத்துங்கள். சொந்த தொழில் பரவாயில்லை. கூட்டுத்தொழிலில் பார்ட்னர் உங்கள் மீது திருப்தியற்ற மனநிலையில் இருப்பார். அதேதான் உங்கள் மணவாழ்க்கையிலும் இருக்கும். வேலை, வாய்ப்புகளும் சுமாராகத்தான் இருக்கிறது. உங்கள் தனிப்பட்ட வாழ்க்கை குறித்து யாரிடமும் பகிர்ந்து கொள்ளாதீர்கள். உங்கள் கௌரவம், அந்தஸ்து, புகழ் கூடும். கலைத்துறையில் இருப்பவர்களுக்கு புகழ், அந்தஸ்து கிடைக்கும். ஆனால், வருமானங்கள் சுமார்தான். அரசியல், விளையாட்டு இரண்டு துறைகளில் இருப்பவர்களுக்கும் சுமார்தான். வாரம் முழுவதும் சிவனை பிரதானமாக வழிபாடு செய்யுங்கள்.