குழந்தை பாக்கியம் உண்டு

2025 ஏப்ரல் 01-ஆம் தேதி முதல் 2025 ஏப்ரல் 07-ஆம் தேதி வரையிலான ராசிபலன். கணித்து வழங்குபவர் ஜோதிட இமயம் அபிராமி சேகர்.

உயர்கல்வியை தொடர நினைப்பவர்களுக்கு அதற்கான வாய்ப்பு சந்தர்ப்பங்கள் நன்றாக உள்ளது. ஒன்றிற்கும் மேற்பட்ட தொழில் செய்பவர்களுக்கு தொழில் நன்றாக உள்ளது. ஏற்றுமதி, இறக்குமதி தொழில் செய்பவர்களுக்கும் சிறப்பான பலன்கள் இருக்கிறது. பாஸ்போர்ட் விசாவுக்கு விண்ணப்பித்திருந்தால் கண்டிப்பாக வரும். அப்பாவின் அன்பு, ஆதரவை எதிர்ப்பார்ப்பவர்களுக்கு நல்லது நடக்கும். பொருளாதார நிலைகள் பரவாயில்லை. நண்பர்களால் உங்கள் வாழ்க்கையில் ஏற்றம், முன்னேற்றம், அவர்களால் நற்பலன்கள் உண்டு. வேலை, வாய்ப்புகள் பரவாயில்லை. 5 கிரகங்கள் 9-ஆம் இடத்தில் உள்ளதால் வேலையில் மாற்றம் செய்ய நினைப்பவர்கள் செய்யுங்கள். நீண்ட நாட்களாக குழந்தை பாக்கியம் இல்லாதவர்களுக்கு குழந்தை பாக்கியம் உண்டு. அதற்காக சிகிச்சை எடுத்தாலும் வெற்றி கிடைக்கும். தெய்வ அனுகூலம் கிடைக்கும். எதிர்பாராத தெய்வ தரிசனம், ஆலய தரிசனம் உண்டு. இந்த வாரம் முழுவதும் விநாயகர் மற்றும் துர்க்கையை வழிபாடு செய்யுங்கள்.