பணவரவுக்கான காலம்

2024 நவம்பர் 26-ஆம் தேதி முதல் டிசம்பர் 02-ஆம் தேதி வரையிலான ராசிபலன். கணித்து வழங்குபவர் ஜோதிட இமயம் அபிராமி சேகர்.

பொருளாதார நிலைகளை பொறுத்தவரை பரவாயில்லை. கையில் பணம், தனம், பொருள் இருக்கிறது. நிலுவையில் உள்ள பணங்கள் வராமல் இருந்தால் இன்ஸ்டால்மென்ட் முறையில் வந்து சேரும். முன்னோர் சொத்துக்களை எதிர்பார்ப்பவர்களுக்கு, இந்த வாரத்தில் வருவதற்கான வாய்ப்புகள் நிறைய உண்டு. முன்னோர் சொத்துக்கள் இல்லாதவர்களுக்கு, கணவன் - மனைவி இருவரில் யாராவது ஒருவர் மூலமாக பொருள் வரவு உள்ளது. அரியர்ஸ், பென்ஷன், பிஎஃப், இன்சூரன்ஸ், கிராஜுவிட்டி ஆகிய பணங்கள் இந்த வாரத்தில் வரும். குழந்தைகளுக்காக செலவு செய்ய வேண்டிய வாய்ப்பு, சந்தர்ப்பங்கள் நிறைய உண்டு. பொருளாதார ரீதியாக எந்த பிரச்சினைகளும் இல்லை. உங்கள் கையில் பணம், தனம், பொருள் என்பது இருந்து கொண்டே இருக்கும். காதல் விஷயங்கள் மகிழ்ச்சி, சந்தோஷத்தை கொடுக்கும். உங்கள் காதல் திருமணத்தில் முடியும். திருமணம் நடைபெறாதவர்களுக்கு அது குறித்த பேச்சுவார்த்தைகள், நடப்பதற்கான சந்தர்ப்ப சூழ்நிலைகள் ஏற்படும். உங்களின் கௌரவம், அந்தஸ்து, புகழ் காப்பாற்றப்படும். தொழில் நன்றாக உள்ளது. போட்டித்தேர்வுகள் எழுதியிருந்தால் கொஞ்சம் காத்திருங்கள். உங்கள் வேலை வாய்ப்புகளில் கவனம் தேவை. உங்கள் வேலையில் திருப்தியற்ற மனநிலை என்பது இருக்கும். அதனால், வேலையை பொறுமையாகவும், நிதானமாகவும் செய்யுங்கள். இந்த வாரம் முழுவதும் சிவன் கோயிலில் இருக்கக்கூடிய பைரவரை வழிபாடு செய்யுங்கள்.