எதிரிகளிடம் கவனம்

2025 ஜனவரி 28-ஆம் தேதி முதல் 2025 பிப்ரவரி 03-ஆம் தேதி வரையிலான ராசிபலன். கணித்து வழங்குபவர் ஜோதிட இமயம் அபிராமி சேகர்.

குழந்தை இல்லாதவர்களுக்கு குழந்தை பாக்கியம் உண்டு. குடும்பத்தில் புது வரவுகள் வருவதற்கான வாய்ப்புகள் உள்ளது. ஷேர் மார்க்கெட், டிரேடிங், ஆன்லைன் பிசினஸ் போன்றவற்றில் முதலீடு செய்ய நினைப்பவர்கள் சுமாரான அளவில் செய்யுங்கள். ஓரளவு ரிட்டன்ஸ் கிடைக்கும். புதிய முயற்சிகள் வெற்றி அடைய வாய்ப்புகள் இல்லை. இளைய சகோதர - சகோதரிகளால் நன்மை, உறவுகளால் மகிழ்ச்சி, சந்தோஷம் இருக்கிறது. எதிர்பாராத எண்டெர்டெயின்மெண்ட், டூர், டிராவலுக்கான வாய்ப்புகள் இருக்கிறது. வேலை, வாய்ப்புகள் பரவாயில்லை. வேலையில் பணி உயர்வு, சம்பள உயர்வு, இன்சென்டிவ் ஆகியவற்றை எதிர்பார்ப்பவர்களுக்கு அதற்கான வாய்ப்புகள் உள்ளது. போட்டித் தேர்வுகள் எழுதியிருந்தால் வெற்றி பெறுவீர்கள். கடன் கிடைக்கும். இரண்டாம் திருமணம் நடக்கும். நண்பர்களால் மகிழ்ச்சி, சந்தோஷம் இருக்கிறது. எதிர்பாராத வகையில் நண்பர்கள் அமைவார்கள். எதிரிகள் விஷயத்தில் கவனமாக இருங்கள். அவர்கள் உங்களை ஜெயிப்பதற்கான வாய்ப்புகள் உள்ளன. இந்த வாரம் முழுவதும், நரசிம்மர் மற்றும் பகவான் கிருஷ்ணரை வழிபாடு செய்யுங்கள்.