கவனம் அவசியம்

2024 ஜனவரி 2 முதல் ஜனவரி 8-ஆம் தேதி வரையிலான ராசிபலன். கணித்து வழங்குபவர் ஜோதிட இமயம் அபிராமி சேகர்.

கையில் பணம், தனம், பொருள் இருப்பதற்கான வாய்ப்பு நன்றாகவே உள்ளது. பேச்சின் மூலமாக வருமானத்தை சம்பாதிப்பவர்களுக்கும் அதே சூழ்நிலை இருக்கிறது. நீங்கள் எதிர்பார்த்த செய்திகள் மற்றும் எதிர்பாராத செய்திகள் எல்லாம் உங்களுக்கு சாதகமாக வந்து சேரும். புதிய முயற்சிகளில் ஈடுபடுவீர்கள். உறவுகளால் நற்பலன்கள் உண்டு. விட்டு சென்ற நட்புகள் புதுப்பிக்கப்படும். அம்மாவின் அன்பு மற்றும் ஆதரவு பரிபூரணமாக இருக்கும். உற்பத்தி சார்ந்த துறைகளில் இருப்பவர்களுக்கு நல்ல விற்பனை உண்டாகும். கலைத்துறையில் இருப்பவர்கள் நல்ல ஏற்றத்தையும், புகழையும் அடைவீர்கள். ஷேர் மார்க்கெட், ரேஸ் அல்லது லாட்டரி, ஆன்லைன் தொழிலில் இன்வெஸ்ட்மென்ட் செய்பவர்களுக்கு ஓரளவு வரவுகள் கிடைக்கும். அரசியல் சார்ந்த துறைகளில் இருப்பவர்கள் மிக மிக கவனமுடன் இருப்பது நல்லது. தேவையில்லாமல் கடன் வாங்க வேண்டாம். அறுவை சிகிச்சை செய்ய நினைப்பவர்கள் செய்யலாம். பணி உயர்வு, சம்பள உயர்வு, வங்கி கடன் எதிர்பார்த்து காத்திருப்பவர்களுக்கு அவை எல்லாம் நடைபெறுவதற்கான வாய்ப்புகள் உள்ளன. வேலையாட்களால் நன்மை உண்டாகும். முருகன் மற்றும் பெருமாள் வழிபாடு உங்களுக்கு சிறந்ததாக இருக்கும்.