பணம், பொருள் முடங்கும்

2024 அக்டோபர் 29-ஆம் தேதி முதல் நவம்பர் 04-ஆம் தேதி வரையிலான ராசிபலன். கணித்து வழங்குபவர் ஜோதிட இமயம் அபிராமி சேகர்.

உங்களை அறியாத மகிழ்ச்சி, சந்தோஷம், என்டெர்டெயின்மென்ட் என்பது இருந்துகொண்டே இருக்கிறது. வேலையை பொறுத்தவரை எதிர்பார்த்த முன்னேற்றம் இருக்கிறது. முன்னோர்களுடைய சொத்துக்கள் வருவதற்கான வாய்ப்புள்ளது. எதிர்பாராத பண வரவு, பொருள் வரவு இருக்கிறது. வராத பணங்கள் வருவதற்கான வாய்ப்புகளும் உண்டு. எதிர்பாராத பயணம் இருக்கிறது. அந்த பயணம் உங்களுக்கு மகிழ்ச்சி, சந்தோஷத்தை கொடுக்கும். இளைய சகோதர - சகோதரிகளால் நன்மைகள், நெருங்கிய உறவுகளால் மகிழ்ச்சி, சந்தோஷம் ஆகியவை உண்டு. சிறு தொழில், சுயதொழில், வீட்டில் வைத்து தொழில் செய்பவர்கள் கொஞ்சம் கவனமாக இருக்க வேண்டும். வருமானங்கள், சம்பாத்தியங்கள் நிறைய இருந்தால் கூட, அதை யாருக்காவது கடனாக கொடுத்தால், திரும்பி வருவதற்கான வாய்ப்புகள் இல்லை. ஏனென்றால் உங்கள் உழைப்பு மற்றவர்களுக்கு லாபம். உங்களுக்கு பிரயோஜனம் இல்லை. பணம், பொருள் முடங்குவதற்கான வாய்ப்புகள் உள்ளன. அப்பாவின் உடல் ஆரோக்கியத்தில் கவனம் செலுத்துங்கள். குழந்தைகளால் நன்மைகள் ஏற்படும். அவர்களால் மகிழ்ச்சி, சந்தோஷம் உண்டாகும். காதல் விஷயங்கள் மகிழ்ச்சி, சந்தோஷத்தை கொடுக்கும். முறிந்துபோன காதல் மீண்டும் சேர வாய்ப்புள்ளது. இந்த வாரம் முழுவதும் சனி பகவானை பிரதானமாக வழிபாடு செய்யுங்கள்.