ஆசைகள் பூர்த்தியாகும்

2025 ஜனவரி 14-ஆம் தேதி முதல் 2025 ஜனவரி 20-ஆம் தேதி வரையிலான ராசிபலன். கணித்து வழங்குபவர் ஜோதிட இமயம் அபிராமி சேகர்.

விருப்பம், எண்ணம், ஆசை, அபிலாஷைகள் அத்தனையுமே பூர்த்தியாகும். சொந்தமாக இடம், வீடு, வண்டி, வாகனங்கள், வீட்டு உபயோகப் பொருட்கள், ஆடை, ஆபரணங்கள் வாங்குவதற்கான வாய்ப்புகள், சந்தர்ப்ப சூழ்நிலைகள் உருவாகும். வேலையை பொறுத்தவரை மாற்றங்கள் உள்ளது. சொந்த தொழில் சுமாராக இருக்கும். உங்கள் தொழிலில் லாபம் அடைய வாய்ப்புள்ளது. திருமணம் தள்ளிப் போனவர்களுக்கு திருமணம் அல்லது அதுகுறித்த பேச்சுவார்த்தைகள் நடைபெறும். ஒன்றிற்கும் மேற்பட்ட தொழில் செய்பவர்களுக்கு பரவாயில்லை. இரண்டாம் திருமணத்திற்கு முயற்சிப்பவர்கள் முயற்சியுங்கள். நல்ல நட்புகளை பராமரியுங்கள். இல்லையென்றால் அவர்கள் உங்களை விட்டு பிரிந்து போவதற்கான வாய்ப்புள்ளது. இந்த வாரம் முழுவதும் துர்க்கை மற்றும் காளியை வழிபாடு செய்யுங்கள்.