வேலையில் நிதானம்

2024 நவம்பர் 12-ஆம் தேதி முதல் நவம்பர் 18-ஆம் தேதி வரையிலான ராசிபலன். கணித்து வழங்குபவர் ஜோதிட இமயம் அபிராமி சேகர்.

வேலை வாய்ப்புகள் பரவாயில்லை. ஆனாலும், உங்கள் வேலையில் பிரச்சினைகள் என்பது இருந்துகொண்டே இருக்கும். அதனால், எந்த துறையில் பணியாற்றுபவராக இருந்தாலும் கொஞ்சம் பொறுமையாகவும், நிதானமாகவும் இருங்கள். தேவையில்லாமல் கடன் வாங்குவதை தவிருங்கள். உடல் ஆரோக்கியத்தில் கவனம் செலுத்துங்கள். வருமானம் இருக்கும் அளவுக்கு செலவுகளும் இருக்கிறது. கல்வியில் கவனம் செலுத்துங்கள். உயர்கல்வி நன்றாக உள்ளது. சொந்த தொழில் செய்பவர்களுக்கு ஓரளவுக்கு பரவாயில்லை. உங்கள் வாடிக்கையாளர்களால் ஏற்றம், முன்னேற்றம் இருக்கிறது. வேலையாட்கள் விஷயத்தில் கவனமாக இருங்கள். வழக்குகள் இருந்தால் தள்ளிப்போடுங்கள். நல்ல நட்பு வட்டாரம் அமையும். அவர்களால் மகிழ்ச்சி, சந்தோஷம் இருக்கும். மூத்த சகோதர - சகோதரிகளுக்கு உங்களால் முடிந்த உதவிகளை செய்யுங்கள். இந்த வாரம் முழுவதும், துர்கையை பிரதானமாக வழிபாடு செய்யுங்கள்.